‎قصة البقره التي طنبحت في‎‏ البياره أو سكنت

هلا والله ....
من جد قصه مضحكه وفيها من
الخيال الواااسع كثيييييييير
بس تخليك تكركر أي تقول كر كر من كثر الضحك يعني هبااااااااااال
طيب خذوا هذي..
٧
٧
٧
||||||||||||||||||||||||||||||||‏||||||||||||||||| ||||||
‎قصة البقره التي
طنبحت في‎‏ البياره



كلنا يعلم ان هناك دلائل وبراهين وحقائق ثابته لايختلف عليها اثنان ان البقره تتميز بضحالة تفكير عارمه وغباء مستفحل وسباهه مفهيه وهذا ما سنقرأه اليوم .. !


امينه (البقره) ذات العشرين ربيعآ .. طموحه تحب الجمال وتهوى سماع المزيكه والإسترخاء << اموت انا

في الصباح الباكر ومع شقشقة البعارين واشعة الشمس الخضراء فتحت امينه عيناها الجميلتان اثر تنبيه جوالها (العنيد طراه) وقامت واطلقت تثاؤبه<< يمديتس !
سقط على اثرها اثنان من ابناء الجيران صرعي << ليه مدري !
راحت تشرب الحليب كي تذهب للكليه نشيطه << درس تعليمي هع
واذا بالثور معصصصب جالس في المطبخ يرمقها بنظرات تطلق شرارآ
عادت امينه بسرعة الريح الى غرفتها << ولتس ان تتخيلي بقره بسرعة الريح
صكت الباب وتركت عليه وغمضت ونفجت خنافرها


امينه : اويلي ويلاااه اويلي ويلاه ابوي بيجلدني وش اسوي وش اسوي
كانت امينه ليلة البارحه طربانه ترقص على اغنيه طلال مرداح !

كانت ترقص في عز الليل لانها مكثره العلف مما ادى الى طيران النوم عنها
ابوها تسحلن بها خلقه وشلون يوم سوت فعلتها الغبيه هذي (تسحلن بها أي كارهها)
المهم
قام حنتسها يرقل ( حنتسها أي فكها السفلي ,,, يرقل أي ينتفض ويرتجف ) بمعنى آخر تخنقها العبرات
قامت تدور في الغرفه ماتدري وش تسوي آخر شي وصلت له نظرت الى الدريشه وهرعت اليها << يمديتس على هرعت?!
ايه هرعت اليها وطلت منها مقرره قرار لارجعت فيه وهو ان ((((((تنتحر))))))
لااااااااااااااااااااااااااااااااااااااااااا <<< هذا انا ماودي تنتحر عشان ماتخلص القصه هع !
العب عليتس ميب مخلصه ولا هيب منتحره <<<سديراويه وكتبت قصه
المهم
طلت من الدريشه وهي تقول في نفسها وبصوتها الغايص في الشحوم :يابعد الأرض بعداااااااه << صدق بقره
ولكنها تقول ابي انتحر خلاص انا مالي قعده في ذا الدنيا الي ماتسوى ريال
انأ لازم اموت محد يحبني ولاأيتها حاجه محد يقدرني ولحد شي ابد !
وانأ بعد ماحب الناس أمي ماتت وابوي مايطيقني في عيشت الله أخواني كنهم مسوين زاحفين واربع وعشرين ساعه تفحيط وتشجيع
والطامه الكبرى انهم يشجعون الهلال وانا النصر <<ماألومتس اذا انتحرتي هع
خلاص خلاص فكوني فكووني


طخ طخ طخ

امينه: من الطارق?
ابوها:ستفتحين لي يابنيتي وإلا بالنعلتي ?
امينه:لا أريد
ابوها : اقول لايكثر بطلت!
افتحي يا زليلة الأدب يالي فيس ومافيس ياحقيره والله لافتح الباب بقوه ان مافتحتيه قسمن بالله ان تنجلدين جلد جلد عمرس ما شفتيه يالتفخه

امينه تنظر الي الباب وتنظر الى الدريشه
تنظر الي الباب وتنظر الى الدريشه
تنظر الي الباب وتنظر الى الدريشه وتنظر وهكوذا
ثم نظرت الحمام
(ومازال ابوها يدبج على الباب)
نظرت الى الحمام وقالت مب وقته الإنتحار يوم ثاني وشخطت <<< عاش مصرف
شخطت للحمام وقامت تتلفت بسرعه تلفتات تنم عن سباهه ودلاخه مستفحله" ورذاذ" من السعابيل تتطاير يمنتن ويسره !
وين اروح ياربي رباه
وتسقط عيناها على
على
على
على
<<<<< مشكلة الي يكتب عنوان للقصه ويتورط ..!
على
<البلاعه>
ياربيه ياليتني نمله ولاصارور
ياربيه
كل هذا وابوها يحورف في الباب يبي يدخل عليها ويعفجها
وآخيرآ التفتت لعلبة فلاش وقالت أبلطه ولي يحصل يحصل
وسدت أذانها وشربته جغمه وحده
وعااااعع ااااااععاااااااععااااااااااا

(تحللت امينه لعواملها الأوليه !)

صارت بقره سغنطووووطه ... وتك فتحت البلاعه وهبااااااااااا
وفي نفس الوقت
طآآآآآآآآآآآآآآآآخ خرع ابوها الباب وطاح على سريرها الوردي معلقه عليه أشياءها البديعه مثل : اشرطه صوره لصديقتها الدانماركية ,كمان حاطه فنيلة علاق مطوره هع


آي
امينوه وينتس يابقره يالي متختشيش ابوها امه مصريه متزوجه ثور سعودي هع

امينه :مع الثلاماااا c u !
ابوها : هاه وينتس ?
ويطل مع الدريشه ولايلقاها ويطل تحت السرير ولا يلقاها ويبحثو ويبحثو ولم يجد أحدن
الأب: شوفي انا أعرف حركاتس الي مالها سنع بس والله يا أن رجعت من العمل (امحق عمل ) وانتي ماطلعتي لأطلع عيونتس جعلها تفقع !
خرج الأب وهو يستشيط غضبآ ويزابد ويطوعن


هناك عالم آخر .. عالم يعم فيه السكون والهدوء والظلام الدامس والريحه البديعه ..
عالم البيارات .. عالم يخلو من السيارات .. عالم يكثر فيه المحششين والعواطليه ..


نزلت أمينه بالأصنصير لصاله كبيره تكثر فيها الحيوانات الغريبه ..

ياهوووووه آموت عالبقرات الصعنطوطات "الفار يتكلم"

امينه: مرحبا (بترقيق الطاء!)
الفار:يالله حيهم ارحبووو تو ماسفرت البياره ععع<<< تغر
(وع)
امينه بنظرات كلها تقزز واشمئزار : وش تسوي ومن انت وش اسمك ومن وين وليه ومتى ????!!!!

الفار : إيييييييه (قام يردد بلحن شيله )
ياهاجس من ثلاث شهور مبلشني
تزعل علي الصين لو قلته
حزين وحزني مايتحمله فاري
بفراق حبيب(ن) عقبه الدنيا منقلبه
روح وسافر بدون ميعادي

أمينه: بس بس خلاص وهي تناشق ... وش اسمك انت ? (خشت عرض)

الفار : اسمي (ويلتفت عشان يوخر خصله من على جبينه الرصاصي) فرناندو خوسيه !

امينه: هاه ? امش ! كل هذا اسمك لك بلحالك ?<<< ماقلت سبهه

فرناندو : اسمي فرناندو ويعايروني ألبرت صاحب الصوت الحزين ;(

امينه : وش قصتك ?

فرناندو: إيييييه
ابعرف يابحر ذنبي
وش الي بعمري سويته ?
انا ما اذكر اني بيوم
جرحت انسان وبكيته
جروحي ليه علمني
عشان اني على النيه
تعب قلبي وتعبني
ياليته "يحيا" ياليته


امينه : أقووول لايكثر من هو الي يحيا ?

فرناندو بحركه خطافيه يبعد خصله من على جبينه : آنا ماريا موسيه ... حبيبتي الي ما شفتها طول عمري إيييه آنا طلبت النجده من اصحاب القلوب الرحيمه عبر علبه في البيارات تسري قبل ماننقذها فارقت الحياة ذبحوها في حقل التجارب فالصين جعل عيونهم تمطط زياده جربوا فيها لين اصبحت طريحة الزباله مقر وفاتها وآآآه آه يازمن قديش غدار تفووو عليكم من صيانوه

امينه تمسح بقايا تفال من وجهها بكل عباطه : لاحول ولاقوة إلا بالله كلنا بنموت وما ندري وين نهايتنا

عم الصمت برهتن من الزمن

فرناندو بنظرات استحقار: وانتي وش قصستس?


إمينه: إيييه<< تقلد
امي ميته وابوي مايحبني و و و قصة عليه قصتها كل ابو جد جدها وهاك ياتفال وهاك يانصب وتريحم

الحال من بعضه .. يتشاكون الغبن<<< مدري وش الغبن طرا ..
قام فرناندو يدور بأمينه في آرجاء البياره وأجزاءها لدرجة انهم فاتحين مصحه نفسيه لحالات مصدومه ويائسه من الحياة طلع واحد من المصحه يرررركض وصكها بذاك الكف ورجع وبس ..! ومن جهه أخرى فيه ملاهي وبقاله و و و

عاشت حياتها في البياره بكل رحابة صدر أصلن هي تسلك في أي
مكان كمخه <<< يهوني تسحلتن بها بس بكمل القصه لعيون فرناندو هع


صارو يمونون على بعض مره
وهاك يلعب كيرم ومطاق وملاحق وتفال وقلة حيا بس سعة صدر من جد دجججه
جا يوم الخميس وقالوا اليوم عطله ولازم نفلها اقترحت الكمخه انهم يسوون رحله
وافق فرناندو وجهز العود والطبل الخ
وجهزت هي المأكولات البحريه (يع)

نادا فرناندو خويه سعيدان(صارور يتيم الأبوين سبهه جدن وافكاره ضحله وحياتها شينه مره)
فرناندو: سعيدان عزيزي وش رايك تسري معنا طرانا فله بنروح لرحله استكشافيه

سعيدان: طيب!<<< مايبيله نوش

امينه جايه وشايله عدتها على ظهرها ولابسه الكاب والبرنيطه والبرموده والروج الأزرق والمناكيبر البيضا: كم قطتك?
سعيدان : أه ... مامعي إلا سته ريال فقط لاغير

امينه : مش الحال .. بس الويك اند هذا لازم ننبسط << اموت ياويك اند !

سعيدان: طيب!

انطلقوا ومشوا مشوا مشواومشوا مشوا مشواومشوا مشوا مشواومشوا مشوا مشوا كثير مره وذا الدبيه وراهم تشاهق وتقول خلاص ياجماعة الربع تعبت خلو نوقف ونتغدى
فرناندو بنظرات استحقار : ترانا بنمشي ولا علينا من احد

سعيدان: طيب!<<< وش دخله ذا?

وكملوا المسيره

فرناندو بكل طرب:
انا الهايم
وانا المغرم
وانا الساهر مع النجمات
وانا الي قسم اوقاته حنين وصبر وآهات
ألا ياصاحب الذكرى لاجلك كم كتبت ابيات .. ولجلك عشقت الي
مضى ومافات
نجوم اللييييل نجوم الليل نجوم الليل والغربه

فجأه

غمضوا عيونهم فجأه .. !
وحسوا بنور قوي جدن واشعة شمس صاطعه
آثاريهم طلعوا على البحر الهندي من كثر مايمشون

سعيدان : امبي وشذا ?

امينه : فيه سما ونور وناس

فرناندو: وش السالفه

ايس بي ?

هذا فار كنكحه وراهم اسود!

التفتو

حااااامت تسبد فرناندو وقال : من انت خير وش تبي ?

الفار: اس في?

مايفهم شي ابد .. وقاموا ساعه يناظرون بعض مسبهين والفار يناظر بفرناندو ويبتسم(حاس بالإنتماء)

امينه: وين ماما ?
<<يقالك اوتوكيت

راح الفار ونادا عيال عمه وجوا ومعهم مكانس وجلدوهم جلدوهم جلد لين عرفوا ان الله حق

وانحاشوا بيرجعون من الي جو منه ولكن امينه نشبت بين كومة طين ووصاخات وماقدرت تنحاش مع سعيدان وفرناندو وذوليك مازالوا يلحقونهم (ماينحقرون) قالت امينه:روحوا وخلوني ماعليكم مني رووحوا
حاولوا فرناندو وسعيدان يسحبونها مافي أمل
واحد ثنين ثلاثه هععع
لاحياة لمن تنادي
امينه: قلتكم روحو روحو اصلن انا ما استحق الحياة انا قبيحه كم مره سنحت لي الفرصه اني اموت بس اتهرب من الموت قلتلكم روحو وخلوني خلاص وهاك ياصياح ونخارير

فرناندو : اقول بتسكتين ولا لا
هععع ويجر فيها

امينه: روحو قلتلكم روحو هذوليهم جو

التفت سعيدان للفيران وحس انهم بدو يقربون
وسوا حركته السحريه :
عقد حواجبه وفل شعرتينه لين صارت كنها حبال وربطها في آذان امينه وقال : المطتو الفولاذيااااا
ويركض على ورا وتطير امينه ألين بزخت على سعيدان

امينه: أوه سوري

سعيدان: قومي عني لأجلدتس هالحين يالدبيه <<< استقوى عاد

وآآآآآآآآآآآآآآآآآآآآآآآآآآآآآآ<<< جو الفيران

وشخطوا كلهم وامينه تركض وسعيدان يزاعق آآآآآآي شعراآآآآآتي
أثريها ناشبه في اذان امينه نسوا يفكونها وذي تركض في عالم ثاني

ومن حر مايونس سعيدان دمعت عيونه وتمططت ,, أخيرآ اختفوا من الأنظار ورجعوا مكانهم حايمتن تسبودهم من بعض

ودبت الحياة من جديد ورجعوا كما كانوا سمنه على عسل حليب ياقشطه


جا يوم من الأيام وحنت بقرتنا العزيزه لأهلها وقرب وقت المباراة النهائيه بين الهلال والأهلي وتبي تشفي غليلها من أخوانها الجحلط وفرناندو مايشجع بس لعيون امينه شجع النصر قامت قالت يالله برجع بيتنا اشتقت لغرفتي واشتقت لجوالي وكلشئ
فرناندو قال ترا المياه الجارفه ابعدتنا عن مقر بلاعتس وش السواة ?

اصلن بيني وبينتس فرناندو حامت تسبده من ذا البقره ويحاول بشتى الطرق انه يفتك منها
فجأه قال طراني تذكرت وين مكان البلاعه قالت بس ترا بروح وبرد لكم مابي اعيش مع اهلي انا تعودت عليكم تعوت على كل حاجه كول شي لقد !
قال : انهجي علينا يالدربيه وتعالي <<< وصلت معه
مشى فرناندو مشيه كلها كبر وخيلاء وراز عمره<<< مع ذلك ينحب

وذا الدربيه وراه مدرعمه

وصلو

قال : شفتي ذا الدويره هذي حقت حمامتس <<< يلعب عليها

قالت : طيب انا كني بديت ارجع لحجمي الطبيعي وما تكفيني ذي عشان أخرج

قال: حجمتس الدربحي قصدتس ? بس ما عليتس بتطلعين بليهوبه<<< حلوه بليهوبه هع
شوفي اطمري وتمسكي في الغطا وانا بدزتس لين ينفتح الغطا او كي ?

امينه : او كيه ياعنقليزي انتا خخخخ

فرناندو : اخلصي !

امينه : هببب
وشظي في البلاعه تورطت مثل مايقول المثل الصيني: لامعلقه ولا مطلقه بين السما والارض

في نفس الوقت سمعوا صرخه مدويه :
لااااااااااااااااااااااااااااااااااااااااااا

امينه : وشو وش صاير?

التفت فرناندو واذا بصارور (سعيدان) ساقطن على ركبتيه ويقول لا لا تروحي يا امونه لقد انني احببتك حبآ جمآ من طرفن واحد وانتي لاتعلمين تتسردحين وتتمردحين ولا جبتي خبري اسهر الليل افكر فيكي وانتي إظرط ماتشوفين انا واااااااااااااااههه

فرناندو: آش الله يقطعك ..


امينه سمعت صوت الصارور وماصدقت خبر احولت عيونها وظرطت !

على أثرها سقط فرناندو صريعآ مغشيآ عليه

وقامت تحقرص تبي ترجع وفرناندو يبي يقوم والمبيد الي اطلقته امينه مابعد راح مفعوله .. !

جا الصارور ماااااااااغط وقال ألبرت نزلها تكف قام فرناندو وقال : لوتنطبق السما على الأرض مانزلتها
( كل هذا وهي شاظه في الفتحه) <<<اكرهها ياناس

تلطم فرناندو واستجمع قواه وقام يدز فيها وهو يغني:
اععع
أرحل وحقق ماتبي من أمانيك ولاتعتبرني عايش وسط دنياك لاتلتفت لي دام بعدي بيرضيك وحبك بشيله في عيوني ولاأنساك هذي حقيقه شخص حبك ومغليك لاقلت لي ماأبيك بأقول إرحل حتى أنامااااااابيك..

(ع ل ى تبن) هذا ماقاله الصارور عندما طارت باقيرا (امينه) الى الأرض النظيفه ذات السموات والعصافير<< تعبير

ذهب يائسآ بعيدآ عن فرناندو الذي ذهب ليأخذ قيلوله بعد عناء طويل وهو يردد:
نم بالهنا وإحلــــم وأنا عنك سهران
محــد لقــا قــبــلــك سـهـيــر بداله
عطني سهر عينك وهمك والأحـزان
يامــن غــدا قــلــبي وعــقلي حلاله
في راحتك برتاح لو كنت تـــعبـان
روحي فدا لروحك في كل حـــاله
لك صاحب لو حط حـــبك بمــيزان
يرجح على كل المحبه لــحــــالــــه

من جد حزن فرناندو على فراقها مع انه كانت تحام تسبده من حركات النص كم ولكن تبقى ذكرياته معها تنعش ما تبقى من بصيص الأمل الذي يعيشه ولقد .! <<< مشكلة الي مايعرف يعبر

رقد فرناندو وتوه ماخذ له غفوه الا وذاك الصوت الي يلعلع :

الأمااااااكن كلها مشتاقه لتس..والعيوووون إللي أنرسم فيها..خيااالتس والحنين إللي..سرى بروحي..وجااالتس
كل شي حولي..يذكرني بشي.
حتى صوتي وضحكتي...لتس فيها شي
لوتغيب الدنيا..عمرتس ماتغيبي..
شوفي حالي آآآه من تطرين علي
المشاعرفي غيابتس..ذاب فيهاكل شوق..!!
والليالي من...عذابتس عذبت فيها...السكون..!!
وصرت خاااايف لاتجي..لحظه يذبل فيها قلبي...وكل أوراقي تموووت..!!
آآآه لو تدرين كيف أيامي بدونتس
تسرق العمر...وتروووح
الأمان وين الأمان
وأنا قلبي من رحلتي ماعرف طعم الأمان
ليه كل ماجيت أسأل هالمكان.
أسمع الماضي يقووول
ماهوب أآآنا بس حبيبي
ألأمااااكن
إللي مريتي أنتي...فيها عايشه بروحي...وأبيها.!!
بس..لاكين..مالقيتتس..!!
جيت قبل العطر يبرد
قبل حتي يذوووب في صمت الكلام
وأحتريييتس.
جيت قبل حتى الورد يذبل...وأحتريتس
كنت أظن الريح....جابت عطرتس يسلم علي'
كنت أظن...وكنت أظن
وخااااب ظني
وماااابقى بالعمر شي وأحتريتس


اثاريه سعيدان يغني جعله الماغص <<< مشكلة الي يقص وينقهر من بعض شخصيات القصه

مجرد تفاله اطلقها فرناندو ألجمته وألقت به طريحآ على الأرض .. !

لف فرناندو اللطمه ونام وعم الصمت ارجاء المكان

حسوا اهالي البياره بفراغ كبير جدآ عقب أمينه لأنها هي الكل في الكل هي الي اذا ضاقت صدورهم شغلت المسجل وردحت
وهي الي اذا سهروا باشرت عليهم ببسكوت وميرندا
وهي الي اذا تطاقوا مسحوها بوجهها !
وهي الي تغسل المواعين وكولش !!

.!!-()@/::_;++&%*=<>£€$¥¤]{\~^&iexcl;&iquest;





مرت فترة طوويله جدآ تمتد عددآ من السنين حدث خلالها الكثير من المواقف والأحداث الحزينه والسعيده تحت الأرض(البياره) وفوق الأرض


يوم من الأيام الروتينيه .. في الساعه الثانيه ظهرآ الكل داب بشغله شله من الصوارير السلنتح يتطاقون ويتلاحقون

مجموعه من الحشرات كاشتين على مجرى من المجاري ذات الريحه الواااااو .. !

وهنالك

هنالك

هنالك

في ذاك المكان ... فأر هرم ذو الثمانين عاما .. يمسك بأطراف اصابعه قزازه فيها قليلآ من النبيذ وهو يردد :
سئمت تكاليف الحياة ومن يعش ... ثمانين حولآ لا أبالك يسأمو .. ?!

الصارور وقد بدت عليه آثار الشيخوخه :عمت صباحآ يا ألبرت

فرناندو: هلا هلا

سعيدان : وشو وش فيك ? لقد انني اشوفك متغير مابالك ?

فرناندو: ابد أحس بحرورتن في تسبدي

سعيدان: اشرب لك 'زنتاك' ياهو يسلك تسليييك لقد انه وش زينه

فرناندو : إييييييه مابقى فالعمر كثر مامضى .. خلها على الله<< ياقليبي انت

سعيدان : ونعم بالله ..



شلة الصوارير جايه بسرعة البرق ابويا ابويا هذي علبة ماوتنديو قزاز طاحت علينا من احدى البالوعات وفيها ورقه كمانا

سعيدان: ادينياها انتا وهو وهيا اغربوا
عن وشهي<<< وذا يقلب مع اي احد !

أخذ سعيدان القزازه وفتحها وطلع رساله وقعد يقرأها على مسمع من فرناندو





اما بعد: الى اعز الناس:
سعيدان وفرناندو
‏ ‏ my boy frind‏ <‏<امش !
لقد اشتقت لكم كثيرآ .. حياة البيارات هي اجمل جزء من حياتي حياة البيارات علمتني الكثير الكثير .. عشتها بحلوها ومرها وانا احمل معروفكم معي ولقد ..!
فرناندو
ايها الفأر الزاحف .. كيف حالك وحال الغناء هل تصدق انني إلا الآن محتفظه بأشرطه الإستهبال حقتنا يومنك تغني وانا اردح ومحسن ينغف ..! أتمنى ان تكون بخير

سعيدان
لاتحسبني اني ميتن عليك ترا والله ماجبت خبرك واطقع ما اشوف انت ... وانا أعدك مجرد أخ عزيز << تكفين ياجوليا روبرتس !


انا الآن اعيش في زريبه من ابدع الزريبات في العالم ..
مع شريكي وزوجي العزيز ((((لؤي )))) !
هل تتذكرون تتذكرون يوم انكم تحاولون الفكاك مني يوم انك ياأيها الفرناندو تسلقطني في البلاعه وترقيني لقد انتقلت في تلك اللحظه الى عالم الثراء (والحب) احببت ثورآ وسيمآ وتزوجته رغمآ عن انف ابويا واخواني
ولقد انني انجبت تلاثه من الأطفال بقره وثورين البقره اسميتها سميره انها نسخه كربونيه مني جميله ذات دلالن وتغنجي وذكيه << ايه هين !
اما الثورين فهما فرناندو اسميته عليك يا ألبرت !
انه ثور حليوه وحبوب
اما الآخر فإنه كمخه تمشي على الأرض ماذا تتوقعون اني اسميته ?


بالطبع سعيدان !


اكملت دراستي الجامعيه والدكتراه والماجستير والدراسات العليا كل ابو جدها
وها أنذا أكبر روائية في العالم العربي !
اصدرت الكثير من الروايات واجري معي الكثر من المقابلات

ابي الآن "مقطن" في دار العجزه !

سعد مات
وفالح مسافر للدنمارك يكمل دراسته

اتمنى انا اعود لكم ولكن حجمي لايسمح

أخيرآ
هي المقادير فلمني او فذر
تجري الرياح على غرز الإبر
ان أخطأت فما أخطى القدر

دمتم بود

ا.د. امينه.
........

رفع سعيدان رأسه فإذا بدمعه تسقط من عيني فرناندو بكل شموخ دمعه سقطت في المجاري وحولت الماء العكر الى ماء عذب يشرب منه الظمآن
فرناندو الذي عاش حيات البراءة والإباء والروحانيه <<< مشكلة الي مايعرف يعبر

تمت ...

مايستفاد من القصه :
لايستفاد شيئآ ابدن ابدن مغير صكني راسي وبس



كتبته
الهاربه <<<< حامت تسبدي من نفسي:/

العذر على طول القصة لكنها حلوووه<<حلوة من وين على بقره خخخخخ
حامت تسبدها البنت مسكييينه
بس عليها قصة تموووت تضحك
منقووول نصاً
وش رايكم فيها
طحيطوو الباردة والحارّة
فحوووطه...

ههههههههههههههههههههههههه
هههههههههههههههههههه

يعطيك العافيه

مفحطه بعربيات المخازن الكبرى

الله يسعدك يارب

ياعيوني دووووومز هالضحكه

وانا كم مره قلت بنده وبص<<قايله لنجود قبل

ـخخخخـ بس ماعليه اهم شئ اني مفحطه وبص

الله يسعد الجميه

شوووقررن على مرورك لاتحرمنا طلتك

هههههههههههههههههههههههههههه

الله يرجك في غيشت بصل <<< نحيس نااوي يعميك

يعطيك الف الف عاافيه على القصه الخنفشاااريه

ومشكووره على مجهودك بالمنتدى

وعقباال ماتفحطين بعربيات جيااان

الهاوي دوووومز هالضحكه وشقة الحنك من الضحتس

لاعدمنا مرورك وطلتك ينطيك العافيه عالمرور



كركووومي<<دلعك ياكرايم دوووومز هالضحكه

وش رأيك تجي معي في الخيشه ويرجك معاي

حب لأخيك ماتحب لنفسك هووع هع هع هااااع

شوووقرررن عالمرور الخنفشاري لاأنا أصيله أحب عربيات بنده

بنده وبص مافي تغيير هووع هع هع

ينطيك العافيه على مرورك الحلووو