رحله مع شاعر ( ه) الجزء الثاني

القصيده الثانيه

يا دلعها


يا دلعها ويـش اسـوي لا ذكرتـك وانتشيـت
ويش اسوي يا دلعهـا دام لـي شـوقٍ جهـور

ياخجلها والله انـي لاقـرب عروقـي حكيـت
وقلت هذي روح روحي بنت حوى وحسن حور

يا ترفها لو توزّع فـي المدايـن بيـت بيـت
كـل بنـتٍ فالمدينـه صابهـا تيـه وغـرور

يا تواضعها لك الله فيـك كـم مـره غديـت
ما رجعت الا وانا في داخلـي سبـع البحـور

ياسوالفها متى ما طـار بـي شوقـي وجيـت
شفت نفسي مالـكٍ كـل المبانـي والقصـور

يا براءتهـا بـراءة طفـل فيهـا كـم رأيـت
نفحةٍ فيها صـدوق الـود وانفـاس الزهـور

يـا اناقتهـا ملابسـهـا تـمـام الايتكـيـت
وبسمةٍ منها علـى همسـه ونفحـات العطـور

يـا شعرهاالليـل لامنـي تهقويـت وسريـت
ضعت في كل البلاد وضعت في كل العصـور

ياغلاهـا والله انـي فيـك مابعـت وشريـت
تسري بروحي وانا في جلستي بيـن الحضـور

يـا حياتـي اقبلينـي عاشـقٍ مغـرم هويـت
سامحيني واعذريني كـان جـا منـي قصـور

والله اني في غرامك بيـن حـي وبيـن ميـت
في فراقك موت وان جيتي ملى قلبي السـرور

ايه احبك ايه احبك قلتهـا لـك مـا استحيـت
خلي الدنيـا تـدور وخلـي افراحـك تـدور

يابعد كل البنـات البيـض لـو منّـك شكيـت
اشتكي بعدك وانا قلبـي ابـد ماهـو صبـور

اجمعيني من بعض حزني وانـا يامـا بكيـت
واطرحيني في بحـر حبـك وخلينـي شهـور

سافري بي ف الف مينا واقتليني لـو رويـت
كيف ابروى من حنانك كيف ابلقى لي عبـور

ودي اوصل شاطي احلامي واغني بك ياليـت
اشعل شموع المحبه واهـدي لحسنـك بخـور

داخلي نار المحبه لو طفـت بـك مـا طفيـت
داخلي بركان حب يثور مـن وجـدي واثـور

طالعي فيني وتلقينـي علـى الحلـم ارتميـت
وشوفي احساسي كتبته وانتثـر بيـن السطـور

سولفي لي سولفي وان كـان شفتينـي غفيـت
قولي اسمي لجل انادي سم يـا بـدر البـدور

******************************


أشكرك اخي عيوني على القصائد الروعه وأكثر واحده عجبتني هي الثانيه أشكرك

ياهلا والله

فاتنه النزهه

نور الموضوع

شاكر لك مرورك